“Azinvest Telecom Technology” QSC-nin Sağlamlıq, Əməyin Təhlükəsizliyi və Ətraf Mühitin Mühafizəsi üzrə

SİYASƏTİ

“Azinvest Telecom Technology” QSC olaraq, Sağlamlıq, Əməyin Təhlükəsizliyi və Ətraf Mühitin Mühafizəsi qaydalarının tətbiq olunması bizim dəyərlərimizdən biridir və iş fəaliyyətimizin ayrılmaz tərkib hissəsidir. SƏTƏM siyasətini tətbiq etməklə əsas məqsədimiz yerli qanunvericiliyin tələblərinə və beynəlxalq standartlara əməl etməklə insanların sağlamlığına, əmlaka, avadanlığa və ətraf mühitə zərər vurmadan təhlükəsiz iş mühiti yaratmaq və fəaliyyət sahəmizdə bədbəxt hadisələrin sayını sıfıra bərabər etməkdir. Hər kəsin sağlamlığını qorumaq və təhlükəsizliyini təmin etmək əsas hədəfimizdir…!

Bu hədəfə çatmaq üçün:
“Azinvest Telecom Technology” QSC öz fəaliyyətini SƏTƏM üzrə qüvvədə olan beynəlxalq standartların, yerli qanunvericilik aktlarının və normativ sənədlərin əsasında həyata keçirir.
Rəhbərlik bəyan edir ki, iş fəaliyyətinin bütün sahələrində qəzaların, bədbəxt hadisələrin və peşə xəstəliklərinin baş verməməsi üçün daim qabaqlayıcı tədbirlər görülür, öncədən təhlükələr müəyyən edilib, risklər qiymətləndirilir. Risklər minimum səviyyəyə çatdırılmayana qədər işə başlanılmır. Eyni zamanda işçilərin sağlamlığına və həyatına təhlükə yaradan bütün hərəkət və əməliyyatlar dərhal dayandırılır.
Bütün fəaliyyətlərdəki işlər səriştəli şəxslər tərəfindən həyata keçirilir.
Təhlükəsiz avadanlıq və alətlərdən istifadə edilir.
Təbii ehtiyatlardan düzgün istifadə etməklə atmosferə, suya və torpağa çirkləndirici maddələrin atılmasının qarşısı alınır.
Tullantıları minumuma endirmək (azaltmaq), tullantıların yaranmasına yol verməmək, təkrar istifadə, yenidən istifadə və aradan qaldırma tədbirləri həyata keçirir.
Baş vermiş hadisələrin əsas (təməl-kök) səbəbləri araşdırılır və gələcəkdə baş verməməsi üçün qabaqlayıcı tədbirlər görülür.

SƏTƏM üzrə tələblər şirkətin ərazisində və iş sahəsində həmçinin kənar şirkətin ərazisi və iş sahələrində vəzifələrini yerinə yetirən bütün əməkdaşlara şamil olunur.

“Azinvest Telecom Technology” QSC işə cəlb olunmuş işçiləri, qonaqları, podratçıları və s. bu Siyasətdən xəbərdar etməyi öhdəsinə götürür.